ស្លាក » ពត៌មានក្នុងប្រទេស

វីដេអូញាក់សាច់៖ បុរសម្នាក់ ត្រូវគេភ្ជង់គំរាម និង កាត់ម្រាមដៃចោល យ៉ាងព្រៃផ្សៃ!

កាលពីពេលថ្មីៗនេះ មានលេចចេញនូវវីដេអូ ដ៏គួរឲ្យរន្ធត់មួយ ត្រូវបានបង្ហោះចែកចាយ នៅលើបណ្តាញសង្គមហ្វេសប៊ុក ដែលបង្ហាញពី

សកម្មភាព យ៉ា

ពត៌មានក្នុងប្រទេស

camnews

របបខ្មែរក្រហមមានឧបនាយករដ្ឋមន្រ្តី ៣ រូប គឺ

១. អៀង សារី ឧបនាយករដ្ឋមន្រ្តី រដ្ឋមន្រ្តីក្រសួងការបរទេស ជាអ្នកដែលប៉ុល ពត ទុកចិត្តជាងគេ ព្រោះម្យ៉ាងជាប្អូនថ្លៃ ម្យ៉ាងជាមិត្តបដិវត្តន៍តាំងពីស្គាល់គ្នាដំបូង កាលពីរៀននៅប៉ារីស។

២. សុន សេន ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ ជាមិត្តរបស់ប៉ុល ពត តាំងពីរៀននៅប៉ារីសដែរ តែក្រោយមកត្រូវបានដកសេចក្តីទុកចិត្តពីបក្សបន្តិចម្តងៗ រហូតដល់ត្រូវបានប៉ុល ពត បញ្ជាឲ្យសម្លាប់មួយគ្រួសារ កាលពីឆ្នាំ ១៩៩៧។

ពត៌មានក្នុងប្រទេស

ស្ដ្រី​ចំណាស់​ម្នាក់​យំ​បោក​ខ្លួន​ខណៈ​ចាញ់​បោក​មន្ដ្រី​សុរិយោដី​ស្រុក​

ខេត្ដ​ព្រះវិហារ​ ៖ ស្រ្ដី​ចំណាស់​អាយុ​៦៩​ឆ្នាំ​ម្នាក់​ឈ្មោះ​ ប្រាំង​ ណៃស៊ន​ បាន​យំ​រៀប​រាប់​ទាំង​ទឹក​ភ្នែក​ ដោយ​សារ​តែ​ចាញ់​បោក​មន្ដ្រី​ភូមិបាល​ស្រុក​ប្រាប់​អ្នក​សារព័ត៌មាន​ថា​ រូប​គាត់​ និង​ប្ដី​រស់​នៅ​ភូមិ​ស្រយង់​ជើង​ ឃុំ​ស្រយង់​​​ ស្រុក​គូលែន​ មាន​កូន​ប្រុស​ម្នាក់​ឈ្មោះ​ គឹម​ ចំរើន​ បាន​បម្រើ​កង​ទ័ព​នៅ​កងពល​តូច​អន្ដរាគមន៍​លេខ​៤១​ប្រចាំ​នៅ​ភ្នំ​ដង​រែក​ ហើយ​បាន​ពលី​ជីវិត​នៅ​សមរភូមិ​ការ​ពារ​ទឹក​ដី​ប្រឆាំង​សៀម​ឈ្លាន​ពាន​ កាល​ពី​ខែ​កញ្ញា​ ឆ្នាំ​២០១២​កន្លង​ទៅ​ ។​

ក្រោយ​មក​សម្ដេច​អគ្គមហាសេនា​បតី​តេជោ​ ហ៊ុន​ សែន​ និង​សម្ដេច​កិត្ដិព្រឹទ្ធ​បណ្ឌិត​ ប៊ុន​ រ៉ានី​ ហ៊ុន​ សែន​ បាន​ជួយ​ឧបត្ថម្ភ​ជា​គោល​នយោបាយ​ដល់​គាត់​សម្រាប់​ចិញ្ចឹម​ចៅ​ក្នុង​បន្ទុក​២​នាក់​ ចំនួន​១ម៉ឺុន​ដុល្លារ​​ ។​ ស្រ្ដី​ចំណាស់​រូប​នេះ​រៀប​រាប់​ទៀត​ថា​ ពេល​នោះ​រូប​គាត់​បាន​យក​ថវិកា​ដ៏​ថ្លៃ​ថ្លា​នេះ​ទៅ​ទិញ​ដី​កសិកម្ម​ តាម​រយៈ​មន្ដ្រី​សុរិយោដី​ស្រុក​គូលែន​ឈ្មោះ​ ឡុង​ សារ៉ារិទ្ធ ដែល​បាន​លក់​ឱ្យ​រូប​គាត់​ពីរ​នាក់​កូន​ស្រី​ចំនួន​១២​ហិកតា​ ស្ថិត​ក្នុង​ភូមិ​ស្រយង់​ជើង​ ក្នុង​១ហិកតា​តម្លៃ​៩០០​ដុល្លារ​ ហើយ​ប្រគល់​លុយ​ទៅ​ឱ្យ​ឈ្មោះ​ ឡុង​ សារ៉ា​រិទ្ធ​ ជា​មន្ដ្រី​សុរិយោដី​ស្រុក​ចំនួន​១០.៨០០​ដុល្លារ​ និង​បាន​សន្យា​ធ្វើ​ប័ណ្ណ​សម្គាល់​កម្ម​សិទ្ធិ​ជូន​គាត់​​ ​។​ លុះ​ដល់​ថ្ងៃទី​៦​ ធ្នូ​ ឆ្នាំ​២០១២​ គាត់​ទៅ​បំពេញ​សាលាក​បត្រ​ក្បាល​ដី​ ដោយ​ក្រុម​យុវជន​ស្ម័គ្រចិត្ដ​ក្រុម​ទី​៦២​ ដែល​មាន​ក្បាល​ដី​លេខ​២២៥​ និង​ក្បាល​ដី​របស់​កូន​គាត់​លេខ​៧៩២​ ដែល​បាន​កាន់​កាប់​​ ហើយ​នៅ​ថ្ងៃ​ទី​១៦​​ មិថុនា​ ឆ្នាំ​២០១៣​ ក្រុម​ការងារ​វាស់វែង​ដី​ធ្លី​ស្រុក​គូលែន​បាន​ប្រកាស​បិទ​ផ្សាយ​តំបន់​វិនិច្ឆ័យ​នៅ​ក្នុង​ភូមិ​ស្រយង់​ជើង​ ពេល​នោះ​រូប​គាត់​ទៅ​មើល​ឈ្មោះ​ បែរ​ជា​ក្បាល​ដី​របស់​គាត់​​ និង​កូនស្រី​អត់​មាន​ទៅ​វិញ​ ។​

ស្រ្ដី​ចំណាស់​ ប្រាំង​ ណៃ​ស៊ន​ បាន​និយាយ​ទាំង​សម្រក់​ទឹក​ភ្នែក​ថា​ គាត់​បាន​ដាក់​ពាក្យ​តវ៉ា​ទៅ​ក្រុម​ការងារ​ដី​ធ្លីហើយ​ ប៉ុន្ដែ​មក​ទល់​ពេល​នេះ​សំណើរបស់​គាត់​ហាក់មិន​ដឹង​នៅ​ឯ​ជើង​មេឃ​ណា​ទេ​​ ព្រោះ​ដី​ក្នុង​តំបន់​នោះ​ដ្បិត​ត្រូវ​បាន​រាជរដ្ឋា​ភិបាល​ផ្ដល់​សិទ្ធិ​ដល់​ពលរដ្ឋ​ពិត​មែន​ តែ​អ្នក​មាន​អំណាច​នៅ​តែ​ហួង​ហែង​ដី​នៅ​ក្នុង​តំបន់​នោះ​ធ្វើ​ជា​កម្មសិទ្ធិ​ផ្ទាល់​ខ្លួន​ដដែល​ ។​ ចំណែក​មន្ដ្រី​សុរិយោដី​ស្រុក​ឈ្មោះ​ ឡុង​​ សារ៉ារិទ្ធ​ នៅ​ពេល​គាត់​សួរ​ពី​បញ្ហា​ដី​ពេល​ណា​ មិន​ដែល​ទទួល​ខុសត្រូវ​ទេ​ ទើប​ធ្វើ​ឱ្យ​រូប​គាត់​កាន់​តែ​អស់​សង្ឃឹមទៅ​ៗ​ ហើយ​ថវិកា​របស់​សម្ដេច​តេជោ​ ហ៊ុន​ សែន​ ជូន​គាត់​ជា​គោល​នយោបាយ​កូន​ពលី​នៅ​សមរភូមិ​ការពារ​បូរណ​ភាព​ទឹកដី​ ដែល​គាត់​បាន​ទិញ​ដី​កសិកម្ម​ពី​មន្ដ្រី​សុរិយោដី​ស្រុក​រូប​នេះ​ទី​បំផុត​បែរ​ជា​មិន​ទទួល​បាន​ភាព​សុក្រិត​​ទាល់​តែ​សោះ​​ ។​

ផ្ទុយ​ទៅ​វិញ​នៅ​ចំពោះ​មុខ​ស្រ្ដី​ចំណាស់​ ប្រាំង​​ ណៃ​ស៊ន​ មន្ដ្រី​រូប​នេះ​និយាយ​ថា​ បាន​ជា​មិន​មាន​ទិន្នន័យ​គាត់​នៅ​ក្នុង​បញ្ជី​បិទផ្សាយ​មក​ពី​បច្ចេកទេស​កុំព្យូទ័រ​ ហើយ​ថា​ខ្លួន​មិន​ដឹង​ទេ​ទៅ​សួរ​ថ្នាក់​លើ​ទៅ​ ។​ ពាក់​ព័ន្ធ​នឹង​ការ​បាត់​ឈ្មោះ​ និង​ទិន្នន័យ​ផ្ទៃ​ដី​របស់​ប្រជា​ពលរដ្ឋ​ក្នុង​ពេល​បិទ​ផ្សាយ​ លោក​ គង់​​ សុវណ្ណារ៉ា​ ប្រធាន​ក្រុម​បច្ចេក​ទេស​វាស់វែង​ដីធ្លី​ក្នុង​ឃុំ​ស្រយង់​បញ្ជាក់​ថា​ ក្រុម​ការងារ​បាន​បំពេញ​តួលេខ​តាម​ក្បាល​ដី​របស់​ពលរដ្ឋ​ពី​មូលដ្ឋាន​គ្រប់​ចំនួន​ មិន​ខ្វះ​អ្នក​ណា​ម្នាក់​ឡើយ​ រួច​បញ្ជូន​ទៅ​ឱ្យ​មន្ទីរ​សុរិយោដី​ខេត្ដ​ទាំង​អស់​​ឱ្យ​តែ​មាន​សាលាក​បត្រ​ក្បាល​ដី​ គឺ​បញ្ជូន​ទៅ​ពុំ​មាន​ខ្វះ​ពលរដ្ឋ​ណា​ម្នាក់​ទេ​ តែ​ក្រោយ​ពេល​បិទ​ផ្សាយ​ បែរ​ជា​បាត់​ដី​ពលរដ្ឋ​គឺ​វា​ស្ថិត​នៅ​លើ​មន្ទីរ​រៀប​ចំ​ដែន​ដី​ខេត្ដ​ ជា​អ្នកទទួល​ខុស​ត្រូវ​ ។​

លោក​ ជុំ​ ពុយ​ អភិបាល​ស្រុក​គូលែន​ និង​ជា​ប្រធាន​គណៈ​កម្មការ​ដី​រដ្ឋ​ថ្នាក់​ស្រុក​បញ្ជាក់​ថា​ ចំពោះ​បញ្ហា​មន្ដ្រី​យក​ដី​រដ្ឋ​ទៅ​លក់​ឱ្យ​ពល​រដ្ឋ​គឺ​លោក​ពុំ​ទទួល​ដឹង​ទេ​ ហើយ​នេះ​ជា​ទង្វើ​អសកម្ម​របស់​បុគ្គល​មន្ដ្រី​នោះ​តែ​ប៉ុណ្ណោះ​ ។​ ដោយ​ឡែក​ចំពោះ​ដី​ដែល​បាន​បំពេញ​សាលាកបត្រ​ហើយ​ តែ​មិន​មាន​ទិន្នន័យ​ពេល​បិទ​ផ្សាយ​នោះ​​ លោក​នឹង​បន្ដ​ស្រាវជ្រាវ​នៅ​ពេល​ក្រោយ​ទៀត​ ។​

ពាក់​ព័ន្ធ​ទៅ​នឹង​ការ​បាត់​ក្បាល​ដី​ក្រោយ​ពេល​បិទផ្សាយ​តំបន់​វិនិច្ឆ័យ​ក្នុង​ភូមិ​ស្រយង់​ជើង​ ចំណុច «បេងដូប​»​គឺ​ជា​ដី​មាន​ជម្លោះ​រវាង​ប្រជាពលរដ្ឋ​ជា​មួយ​អាជ្ញាធរ​ខេត្ដ​ ក្នុង​គម្រោង​ការ​ដឹក​ដី​ចំណុច​នោះ​ទៅ​អភិវឌ្ឍ​ជា​ដី​សម្បទាន​សង្គមកិច្ច​ កាល​ពី​ឆ្នាំ​២០១២​ ។​ ក្រោយ​ពេល​ពលរដ្ឋ​តវ៉ា​ ប្រមុខ​រាជរដ្ឋាភិបាល​បាន​សម្រេច​ប្រគល់​ដី​ចំណុច​នោះ​ទៅ​ឱ្យ​ពលរដ្ឋ​វិញ​ ។​

ទោះ​ជា​យ៉ាង​ណា​ ពេល​នេះ​ចំណុច​នោះ​ក៏​កំពុង​ប្រឈម​នឹង​ការ​តវ៉ា​យ៉ាង​ស្រួច​ស្រាល់​ដោយ​សារ​បាត់​ក្បាល​ដី​ ក្រោយពេល​ក្រុម​ការងារ​វាស់វែង​ដីធ្លី​បាន​បំពេញ​សាលាកបត្រ​ក្បាល​ដី​ឱ្យ​ពួក​គាត់​ហើយ​នោះ​ ។​ ពលរដ្ឋ​ក្នុង​ឃុំ​ស្រយង់​ ដែល​បាត់​ដី​និយាយ​ថា​ ពួក​គាត់​នឹង​លើក​គ្នា​តវ៉ា​ពី​បញ្ហា​នេះ​នៅ​មុន​ពេល​បោះ​ឆ្នោត​ ៕​

សង្គម

បុរស​ម្នាក់​ស្រវឹង​ស្រា​ជោក​ឡើង​ដេ​កលើ​សួន​ច្បារ​ក្រោយ​ក្រសួង​ការ​ពារ​ជាតិ​ ត្រូវ​សមត្ថ​កិច្ច​ល្បាត​ឃើញ​

ថ្ងៃអាទិត្យ ទី៧ ខែកក្កដា ឆ្នាំ២០១៣ ម៉ោង ០០:៤៤

រាជ​ធានី​ភ្នំពេញ​ ៖ បុរស​ម្នាក់​ស្រវឹង​ស្រា​ជោក​ជិះ​ម៉ូតូ​ស្មាស់​វីស៊េរី​២០១២​​ ១គ្រឿង​ ពណ៌ខ្មៅ​ ពាក់​ស្លាក​លេខ​ ភ្នំ​ពេញ​ 1BD-1661 បាន​មក​ចត​ម៉ូតូ​ចោល​ ហើយ​ឡើង​ដេក​ផ្កាប់​មុខ​នៅ​លើ​សួន​ច្បារ​ខាង​ក្រោយ​ក្រសួង​ការ​ពារ​ជាតិ​ កាល​ពី​វេលា​ម៉ោង​ ១២​ និង​ ០៥​នាទី យប់​រំលង​អាធ្រាត្រ​ឈាន​ចូ​លថ្ងៃទី០៧​ កក្កដា​ ២០១៣​ តាម​បណ្តោយ​ផ្លូវ​លេខ​១៦៩​ ស្ថិត​ក្នុង​ភូមិ​៩​ សង្កាត់​មិត្ត​ភាព​ ខណ្ឌ​៧មករា​ ត្រូវ​សមត្ថ​កិច្ច​ខណ្ឌ​ប្រទះ​​ឃើញ​ ក៏​បាន​ព្យាយាម​ដាស់​ឱ្យ​ភ្ញាក់​ តែ​ដាស់​យ៉ាង​ណា​ក៏​មិន​ព្រម​ភ្ញាក់​ ទើ​បសមត្ថ​កិច្ច​ធ្វើ​ការ​ទំនាក់​ទំនង​ទៅក្រុម​គ្រួសារ​ឱ្យ​មក​ទទួល​យក​ទៅ​ផ្ទះ​វិញ​ ៕

សង្គម

ហ៊ី​យ៉ាន់ដាយ​បើក​បុក​របាំង​ថ្មពុះ​​ចែក​ទ្រូង​ផ្លូវ​លើ​ស្ពាន​អាកាស​ក្បាល​ថ្នល់​បាក់​អស់​ ៨កង់

ថ្ងៃអាទិត្យ ទី៧ ខែកក្កដា ឆ្នាំ២០១៣ ម៉ោង ០០:៣៤

រាជ​ធានី​ភ្នំ​ពេញ​ ៖ រថ​យន្ត​ហ៊ី​យ៉ាន់​ដាយ​ ១គ្រឿង​ ពណ៌ស​ ពាក់​ស្លាក​លេខ​ កំពង់​ចាម​ 3A-2685 ដឹក​ជី​ពេញ​រថ​យន្ត​ធ្វើ​ដំណើរ​តាម​បណ្តោយ​មហា​វិថី​ព្រះ​នរោត្ត​ម​ ក្នុង​ទិស​ដៅ​ពី​ជើង​ទៅ​ត្បូងឆ្ពោះ​ឡើង​ឆ្លង​កាត់​ស្ពាន​អាកាស​ក្បាល​ថ្នល់​ ខណៈ​ឆ្លង​មក​ដល់​ផ្លូវ​ជាតិ​លេខ​២​ ក៏​បាន​រេ​ចង្កូត​ទៅ​បុក​របាំង​ថ្ម​ពុះ​ចែក​ទ្រូង​ផ្លូវ​ បណ្តាល​ឱ្យ​បាក់​អស់​ ៨កង់​ ចំណែក​រថ​យន្ត​កល់​នឹង​របាំង​ថ្ម​ទៅ​មុខ​លែង​រួច​ ។

ហេតុ​ការណ៍​នេះ បាន​កើត​ឡើង​កាល​ពី​វេលា​ម៉ោង​ ១២ និង​ ២០​នាទី យប់​រំលង​អាធ្រាត្រ​ឈាន​ចូល​ថ្ងៃទី​០៧​ កក្កដា​ ២០១៣​ ស្ថិត​ក្នុង​ភូមិ​ព្រែក​តា​គង់​ សង្កាត់​ចាក់​អង្រែ​លើ​ ខណ្ឌ​មាន​ជ័យ​ ។ នៅ​ក្នុង​ហេតុ​ការណ៍​នេះ ពុំ​បណ្តាល​ឱ្យ​មាន​មនុស្ស​រង​គ្រោះ​ឡើយ​ ហើយ​ក្រោយ​កើត​ហេតុ​ រថ​យន្ត​ខាង​លើ​ត្រូវ​សមត្ថ​កិច្ច​យក​ទៅរក្សា​ទុក​នៅ​ការិយា​ល័យ​ចរា​ចរណ៍​ជើង​គោក​រាជ​ធានី​ភ្នំ​ពេញ​ ដើម្បី​ធ្វើ​ការ​ដោះ​ស្រាយ​ ៕

សង្គម

រថ​យន្ត​ដឹក​សំពីង​សំពោង​ និង​ដឹក​លើស​ចំណុះ​ឆ្លង​កាត់​ស្តុប​ផ្សារ​ដី​ហុយ​ សមត្ថ​កិច្ច​មិន​​​ឃាត់​ចាំ​លើក​ដៃ​យក​លុយ​


ថ្ងៃសៅរ៏ ទី៦ ខែកក្កដា ឆ្នាំ២០១៣ ម៉ោង ២៣:១

រាជ​ធានី​ភ្នំ​ពេញ​ ៖ ជារៀង​រាល់​យប់​គេ​តែង​តែ​ឃើញ​រថ​យន្ត​ដឹក​សំពីង​សំពោង​ និង​ដឹក​លើស​ចំណុះ​ជា​ច្រើ​នគ្រឿង​ ដែល​បើក​មក​ពី​ចំណុច​ផ្លូវ​ភ្នំ​ពេញ​-ហាណូយ​ ឆ្ពោះ​ទៅ​ផ្លូវ​នត​ប្រ៊ីត​ ​ឆ្លង​កាត់​តាម​មហា​វិថី​សហ​ព័ន្ធ​រុស្ស៊ី​ និង​កាត់​តាម​ស្តុប​ផ្សារ​ដីហុយ​ បា​នធ្វើ​ចរា​ចរណ៍​យ៉ាង​គគ្រឹក​គគ្រេង​ ដោយ​មិន​មាន​ខ្លាច​រអា​អ្វី​​ឡើយ​ ខណៈ​ដែល​ប៉ូលិស​យាម​គោ​ល​ដៅ ក៏ដូច​ជា​សមត្ថ​កិច្ច​ពាក់​ព័ន្ធ​ហាក់​ដូច​ជា​ពុំ​មា​នវិធាន​ការ​ចាប់​ឃាត់​រថ​យន្ត​ទាំង​នោះ​ឡើយ​ គឹ​ចាំ​តែ​លា​ដៃ​យក​លុយ​តែ​ប៉ុណ្ណោះ​ ។

គួរ​រំលឹកផង​ដែរ​​ថា លោក ជួន​ សុវណ្ណ ​​ស្នង​ការ​នគរ​បាល​រាជធានី​ភ្នំ​ពេញ​ ធ្លាប់​បាន​ចេញ​បទ​បញ្ជា​ដ៏​ម៉ឹង​ម៉ាត់​ឱ្យ​ប៉ូលិស​គោ​ដៅ​ ក៏ដូច​ជា​សមត្ថ​កិច្ច​ពាក់​ព័ន្ធ​ធ្វើ​ការ​ចាប់​ផាក​ពិន័យ​ចំពោះ​រថ​យន្ត​ ដែល​ដឹក​សំពីង​សំពោង​ ដឹក​លើស​ចំណុះ​ឱ្យ​មាន​ប្រ​សិទ្ធ​ភាព​ ប៉ុន្តែ​ បែរ​ជា​លោក​សមត្ថ​ចកិច្ច​ទាំង​អស់​មិន​អនុ​វត្ត​តាម​ទៅ​វិញ​ ។

សូម​បញ្ជាក់​ដែរ​ថា​ នៅ​ចំណុច​ស្តុប​ផ្សារ​ដីហុយ​​ គេ​ឃើញ​មា​នប៉ូលិស​ចរា​ចរណ៍​ម្នាក់​ ដែល​ស្លៀក​ពាក់​ស៊ី​វិល​ បាន​នៅ​ចាំ​ឱ្យ​តែ​មាន​រថ​យន្ត​ដែល​ដឹក​លើស​ចំណុះ​ទាំង​អស់​នោះ ​ឆ្លង​កាត់​ទីតាំង​ខ្លួន គឺ​លោ​កតែង​តែ​រត់​ទៅ​ស្ទាក់​កាក់​ហុច​ដៃ​យក​លុយ​ ដែល​ក្នុង​ ១រថ​យន្ត​ ត្រូវ​បង់​ចំនួន​ ៥ពាន់​រៀល​ ។

ប្រជា​ពល​រដ្ឋ​រស់​នៅ​តំបន់​ខាង​លើ​ បា​នមាន​ការ​ព្រួយ​បារម្ភ​ថា​ ករណី​រថ​យន្ត​ធំៗ ដឹក​សំពីង​សំពោង​ធ្វើ​ដំណើរ​យ៉ាង​គគ្រឹក​គគ្រឹង​ជា​រៀង​រាល់​យប់​នេះ វា​បាន​បង្ក​ឱ្យ​មា​ន​គ្រោះ​ថ្នាក់​ចរា​ចរណ៍មាន​​ការ​កើន​ឡើង​ ហើយ​ក៏​បាន​ធ្វើ​ឱ្យ​ខូច​ខាត​ផ្លូវ​ថ្នល់​ថែម​ទៀត​ផង​ ប្រសិ​នជា​សមត្ថ​កិច្ច​មិន​មាន​វិធាន​ការ​ទាន់​ពេល​វេលា​ទេ​នោះ​ ៕

សង្គម

កាមរី​ឆ្លាម​បើក​បុក​រទេះ​​អេត​ចាយ​របួស​ធ្ងន់​ម្នាក់​

រាជ​ធានី​ភ្នំ​ពេញ​ ៖ បុរស​ម្នាក់​វ័យ​ជាង​ ៣០​ឆ្នាំ​ បាន​រង​របួស​ធ្ងន់​ធ្ងរ​ ខណៈ​ដែល​គាត់​កំពុង​អូស​រទេះ​អេត​ចាយ​ ក៏​ត្រូវ​រថ​យន្ត​កាមរី​ឆ្លាម​ ១គ្រឿង​ ពណ៌​ប្រផេះ ពាក់​ស្លាក​លេខ​ ភ្នំ​ពេញ​ 2G-2357 ធ្វើ​ដំណើរ​តាម​បណ្តោយ​ផ្លូវ​លេខ​២៧១​ ក្នុង​ល្បឿន​លឿន​ទិស​ដៅ​ពី​ត្បូង​ទៅ​ជើង ​លុះ​មកដ​ល់ចំណុច​មុខ​ក្លិប​ភ្នំ​ពេញ​ស្ព័រ​ ក៏​បាន​ជ្រុល​ល្បឿន​ទៅបុក​បុរស​ម្ចាស់​រទេះ​អេត​ចាយ​ពេញ​ទំហឹង​ បណ្តាល​ឱ្យ​រង​របួស​ធ្ងន់​ ។

ហេតុ​ការណ៍​គ្រោះ​ថ្នាក់​ចរា​ចរណ៍​នេះ បាន​កើត​ឡើង​កាល​ពី​វេលា​ម៉ោង​ ១១​ និង​ ២០​នាទី យប់​ថ្ងៃទី​០៦​​ កក្កដា​ ២០១៣​ ស្ថិត​ក្នុង​សង្កាត់​ផ្សារ​ដើម​ថ្កូវ​ ខណ្ឌ​ចំការ​មន​ ។ ក្រោយ​កើត​ហេតុ​ បុរស​រង​គ្រោះ​ត្រូវ​បាន​ដឹក​ទៅ​សង្រ្គោះ​នៅ​មន្ទីរ​ពេទ្យ​មិត្ត​ភាព​ខ្មែរ​-សូវៀត​ ចំណែក​រថ​យន្ត​បង្ក​ត្រូវ​សមត្ថ​កិច្ច​នាំ​យក​ទៅ​រក្សា​ទុក​នៅ​អធិការ​ដ្ឋាន​ខណ្ឌ​ចំការ​មន​ ដើម្បី​ធ្វើ​ការ​ដោះ​ស្រាយ​តាម​ផ្លូវ​ច្បាប់​

សង្គម